How To Draw 8 For Walking In Tamil

மூளைக்கு மட்டும் வேலை கொடுக்காமல் உடலுக்கும் வேலை கொடுங்கள். அப்போதுதான் உடலும் உறுதியாக இருக்கும் நோய்களும் அண்டாமல் இருக்கும் என்று சொல்வதோடு வலியுறுத்தவும் செய்கிறார்கள் மருத்துவ நிபுணர்களும், உடற் பயிற்சியாளர்களும்.நான் தான் தினமும் அரை மணி நேரம் வாக்கிங் போகிறேன். அப்புறம் ஆபிஃஸுக்கு போகும் போது கால் மணி நேரம் நடக் கிறேன் திரும்பி வரும் போதும் நடக்கிறேன். இது போதாதா என்கிறவர்கள் ஒருபுறம். காலையில் எழுந்து பக்கத்தில் இருக் கும் கிரவுண்டில் ஓடுகிறேன் என்கிறவர்கள் ஒருபுறம்.

வெளியே நடைபயிற்சி செய்ய வழியே இல்லையே என்று அலுத்துகொள்பவர்கள் ஒருபுறம் என்று ஆரோக்கியத்தின் மீது கரிசனம் காட்ட மறுபுறம் சத்தமே இல்லாமல் உடலை கட்டுகோப்பாக ஆரோக்கியமாக வைக்க ஜிம்முக்கு போகி றேன். வீட்டிலேயே ட்ரெட் மில் பயிற்சி செய்கிறேன் என்று பெருமிதம் கொள்பவர்களும் நம்மில் உண்டு.

பயிற்சி செய்ய வேண்டும். பயிற்சி பலனளிக்க வேண்டும். உடல் உழைப்பு கொடுக்க நேரம் ஒதுக்க வேண்டும் என்னும் குறிக்கோள் கொண்டவர்களுக்கு இந்தக் கட்டுரையில் குறிப்பிடப்பட்டிருக்கும் தகவல்கள் நிச்சயம் பலனளிக்கும்.

அதற்கு முன் நீங்கள் நடைபயிற்சி மேற்கொள்ளும் போது உங்களது கவனம் நடையின் மீது இருக்கிறதா. ஏனெனில் வாக் கிங் போகும் போது கூட மனதில் பலவித எண்ணங்களோடு மோதியபடி நடப்பவர்கள் தான் அதிகம். ஆனால் நடக்க வேண் டும் அவ்வவுதானே இதில் என்ன இருக்கு என்று சொல்பவர்களுக்கு நடைபயிற்சி குறித்த விழிப்புணர்வு நிச்சயம் தேவை என் கிறார்கள் பயிற்சியாளர்கள்.

நடையிலும் ஒரு பயிற்சி
உடலை வருத்தி செய்தால் தான் பயிற்சியா நடைபயிற்சியே போதும் என்ற கருத்து பொதுவானதாக இருக்கிறது. இது ஏற் றுக் கொள்ளக் கூடிய வகையிலும் உண்டு. ஆனால் பயிற்சியில் நடைபயிற்சியிலும் ஒரு பயிற்சி உண்டு என்பதை சித்தர் காலத்திலேயே கடைப்பிடித்திருக்கிறார்கள்.

பாரம்பரியமாக நமது முன்னோர்கள் கண்டறிந்த பயிற்சிகளெல்லாம் மேலை நாடுகளில் கடைப்பிடிக்கப்பட்டு அதன் ஆரோக்கியம் வெளிக்கொணரப்பட்டு மீண்டும் பொலிவு மாறாமல் புதுமையாக வருவதைப் போன்றுதான் இந்த 8 வடிவ நடைபயிற்சியும் இன்பினிட்டி வாக்கிங் என்ற பெயரில் நம் நாட்டுக்கே திரும்பி இருக்கிறது.

உடலை கச்சிதமாக்க செய்ய வேண்டியது யோகாவா? உடற்பயிற்சியா?

உடற்பயிற்சி என்பது உடலுக்கு மட்டும் பயிற்சி தரக்கூடியதாக இருக்க கூடாது. மனதுக்கும் பயிற்சி தரக்கூடியதாக இருக்க வேண்டும். அப்போதுதான் அந்தப் பயிற்சிகளின் மூலம் கிடைக்கும் ஆரோக்கியமும் பலனளிக்கும் என்பதை உணர்ந்தவர் கள் நம் முன்னோர்கள். அந்த வகையில் இந்த எட்டுவடிவ நடைபயிற்சியை வர்ம நடைபாதை பயிற்சி என்று அழைக்கலாம்.

நமது உடலில் இருக்கும் வர்மபுள்ளிகள் அதிகளவு உள்ளங்காலில் நிறைந்திருக்கிறது. இந்த 8 வடிவ நடைபயிற்சியை வெற்று காலில் செய்யும் போது கூழாங்கற்கள் மீது நடக்கும் போது அந்தப் புள்ளிகள் தூண்டப்பட்டு உடலில் உள்ள வர்மப் புள்ளிகளின் ஆற்றலை அதிகரிக்கிறது.

8 வடிவ பயிற்சி தொடக்கம்
மண் தரை, சிமெண்ட், சாலை என்று எங்கு வேண்டுமானாலும் பயிற்சி பெறலாம். ஆனால் கூழாங்கற்களைப் பதித்து அதில் நடைப்பயிற்சி செய்ய வேண்டும்.மேலும் வெளியில் சென்று பயிற்சி பெற வேண்டியதில்லை. நமது வீட்டு மொட்டை மாடி, தோட்டத்திலும் அருகில் இருக்கும் மைதானத்திலும் கூட இதைச் செய்யலாம்.

8 வடிவம் ஏன் சிறப்பு
வடிவத்தில் 8 என்பது முடிவில்லாதது. அதனால் தான் எட்டு போடுகிறவனுக்கு நோய் எட்டிப் போகும் என்னும் பழமொழியும், எட்டுப்போடு எல்லாம் பறந்தோடும் என்று சித்தர்களும் கூறுகிறார்கள்.

8 வடிவம் இப்படித்தான் போடணும்
வீட்டின் மொட்டை மாடியாக இருந்தாலும் வராண்டாவாக இருந்தாலும் தோட்டம் இருக்கும் பகுதியாக இருந்தாலும் 10 அடி இடத்தில் வடக்கு தெற்காக 8 என்னும் வடிவத்தை சாக்பீஸால் வரைந்து கொள்ளுங்கள். அதாவது நீளவட்டம் வடக்கில் இருந்து தெற்கு நோக்கியும் கிழக்கில் இருந்து மேற்காகவும் இருக்க வேண்டும்.

6க்கு 12 அடி அல்லது 8 க்கு 16 அடி அளவில் இருந்தாலும் கூட போதும் என்கிறார்கள் பயிற்சியாளர்கள்.குறிப்பு அகலம் 6 அடி யாக இருப்பது மிகவும் நல்லது என்கிறார்கள் பயிற்சியாளர்கள். இவை குறையும் போது குறைந்த வட்டப்பாதையில் நடக் கும் போது சிலருக்கு தலைச்சுற்றல் உபாதை ஏற்படுவதற்கு வாய்ப்புண்டு என்பதே காரணம்.

8 வடிவத்தில் இப்படித்தான் நடக்கணும்
எட்டு வடிவ கோட்டின் மீது நின்று பயிற்சியைத் தொடங்குங்கள். முதலில் வடக்கிலிருந்து தெற்கு நோக்கி 15 நிமிட நேரம் எட்டு வடிவ நடைபயிற்சியைச் செய்யுங்கள்.

8 வடிவ நடை என்பது
இந்த பயிற்சி 15 நிமிடங்கள் முதல் 30 நிமிடங்கள் வரை செய்தாலே போதும் வேகமாக நடக்க வேண்டியதில்லை. மிதமான நடையே போதுமானது. முதல் 15 நிமிடங்கள் வடக்கில் இருந்து தெற்கு நோக்கி நடக்க வேண்டும். அடுத்த 15 நிமிடங்கள் தெற்கில் இருந்து வடக்கு நோக்கி நடக்க வேண்டும்.

தினமும் காலையில் ஒரு தம்ளர் தண்ணீர் குடித்து விட்டு பயிற்சி செய்யலாம். இரவு நேரத்தில் உணவை முடித்துவிட்டு 15 நிமிடங்கள் கழித்து பயிற்சி செய்யலாம். இவ்வாறு தினமும் இரண்டு வேளை இந்த பயிற்சியைச் செய்ய வேண்டும்.

8 வடிவ நடைபயிற்சியின் பலன்கள்
முதுமையை தள்ளி இளமையைத் தக்க வைப்பதில் சிறந்த பயிற்சி இது என்பதால் உடலை ஃபிட்டாக வைக்க விரும்புவர்கள் கண்டிப்பாக கடைப்பிடிக்க வேண்டிய பயிற்சி இது என்று சொல்லலாம்.

ஆரோக்கிய பலன்கள்
இந்தப் பயிற்சியின் முதல் நாளிலேயே இதன் பலனை உணரலாம். நாசிகளின் முழுமையான சுவாசத்தால் சளி பிரச்சனை இருப்பவர்கள் இந்த பயிற்சியின் முதல் நாளிலேயே குறைந்து வருவதை உணரலாம். அதுமட்டுமல்ல சைனஸ் பிரச்சனைக ளும் நீங்குகிறது.

மூக்கடைப்பு, மூச்சுவிடுவதில் சிரமம் இருப்பவர்கள் பயன்பெறலாம். ஆக்ஸிஜன் குறையின்றி உடலுக்கு செல்வதால் நுரை யீரலின் செயல்பாடு நன்றாக இருக்கும்.

இந்த நடப்பாதையால் கண்பார்வை கூர்மையடைகிறது. மைனஸ், ப்ளஸ் குறைபாட்டை மேலும் அதிகரிக்காமல் பார்த்துக் கொள்கிறது.

நடைபயிற்சியால் குறையும் இரத்த அழுத்தத்தை விட 8 வடிவ பாதையில் நடக்கும் போது அதிவேகமாகவே குறைந்து கட்டுக்குள் வருகிறது.

கூழாங்கல்லில் காலணிகள் இன்றி நடப்பதால் உள்ளங்கால் முதல் உச்சி வரை பலன் பெறலாம். பாதவெடிப்பு, குதிகால் வலி, இடுப்பு வலி, மூட்டு வலி பிரச்சனைகள், படிப்படியாக குணமடைகிறது.கட்டுப்படாத நீரிழிவையும் கட்டுக்கோப்பாக வைக்கும் வயது அதிகமானவர்களும் கூட இந்தப் பயிற்சியை மற்றொருவர் உதவியுடன் மேற்கொள்ளலாம்.

சைக்கிள் ஓட்டுங்கப்பா.. கவர்ச்சியா இருப்பீங்க...

நாளடைவில் வயதானவர்களும் தன்னிச்சையாக பயிற்சி மேற்கொள்ளும் அளவுக்கு 8 வடிவ நடைபயிற்சி தயார்படுத்து கிறது. ஆரோக்கியத்தை உறுதியாக அளிப்பதோடு உடலுக்கு ஆற்றலையும் தருவதால் உடல் பருமனுக்கு பயிற்சி தேவை என்று நினைப்பவர்கள் இந்த 8 வடிவ பயிற்சியை மேற்கொண்டால் பலனும் அதிகம்.

உடல் ஆரோக்கியமும் கட்டுக்கோப்பான உடலும்
உடல் ஆரோக்கியத்துக்கு பயிற்சி செய்வது நல்லது என்கிறார்கள். ஆனால் உடலை வருத்தி செய்யும் பயிற்சிகள் உடலுக்கு ஆரோக்கியத்துக்கு தரவேண்டும் என்றால் உடல் ரீதியாக மட்டுமல்லாமல் மன ரீதியாகவும் பயிற்சியினால் பலன் இருக்க வேண்டும்.

ஆனால் நடைமுறை வாழ்க்கையில் பெரும்பாலான நேரம் செலவழித்து பயிற்சி செய்தாலும் பலன் என்னமோ முழுதும் கிடைப்பதில்லை என்றே சொல்ல வேண்டும்.

8 வடிவ நடைபாதையை மேற்கொள்ளும்போது மற்ற பயிற்சிகளைக் காட்டிலும் பயிற்சியின் மீது ஒருமித்த கவனம் உண்டா கிறது. இதனால் பயிற்சியின் ஒட்டுமொத்த பலனும் தடையின்றி கிடைக்கிறது.

உடலைக் கட்டுக்கோப்பாக சிக்கென்று வைத்திருக்க வேண்டுமென்றால் உடல் உறுப்புகளின் ஆரோக்கியமும் முக்கியம். அனைத்து உறுப்புகளும் தடையின்றி சீராக செயல்பட்டால் மட்டுமே கட்டுக்கோப்பான உடலை நிரந்தரமாக பெறமுடியும்.

உங்கள் உடலை ஃபிட்டாக வைக்க வேண்டுமென்றால் ஜிம், யோகா, உடற்பயிற்சி இவற்றோடு 8 வடிவ பயிற்சியும் சேர்த்து செய்யுங்கள். பலனை கண்டு நீங்களே ஆச்சரியப்படுவீர்கள்.

Tamil News App: உடனுக்குடன் உலக நிகழ்வுகளை உங்களது சமயம் தமிழ் ஆப்பில் நொடியில் பார்க்கலாம்

முக்கியச் செய்திகள் மற்றும் புதிய செய்திகளுக்கு Samayam Tamil ஃபேஸ்புக்பக்கத்துடன் தொடர்ந்திருங்கள்

Web Title : 8-shaped walk to help you stay healthy while still getting youthful
Tamil News from Samayam Tamil, TIL Network